رد: تحت المجهر

من طرف The Master 27/8/2010, 6:18 am

سم الله الرحمن الرحيم
1:عرف لنا عن نفسك؟ طبعا The Master, مصطفى عبدالله محمد
2: مااهمية المنتدى بالنسبة لك؟ أمل صغير بحب انو يكبر زي المنتديات الكبار بوجودكو
3: هل قرارك من عقلك أم من قلبك؟ بصراحة انا قراري من عقلي بس قلبي دايما في شجار مع عقلي وبالاخر بينتصر قلبي.
4: هل انت من مؤيدي القول وراء كل رجل عظيم امرأة ؟ اوف كورس يس
5:من تختار ليمسح دموعك؟ صديقي العزيز فقط
لما تعصب شو بتعمل؟ انا ما بعصب بسهولة و(اذا عصبت) بروح على اي مكان ما في حدا وبقعد لحالي و بشغل اغاني لمصطفى كامل
2: ما هوايتك المفضلة؟ التصميم على كل من الفوتوشوب و الفيجول بيسك و الاوفيس و التخطيط وبحب السباحة بس مو عارف اتعلمها شكلو راح تكون نهايتي في هاي الهواية
3:ماهو الدافع الذي جعلتك تسجل في هذا المنتدى؟ بصراحة وعن جد لانو فيه ريحة ناعور اللي بحبها
4: هل لديثك اصدقاء مقربين في المنتدى ؟ اف كورس
5: اين وماذا تعمل؟ شو بدي اكون بعمل معلم في اربد في الوكالة
6:من هو العضو الذي تعجبك مشاركاتة؟ جميعا بلا استثناء ولكن يبقى لعلوش الصدارة لانو ما بتخلي موضوع الي الا وبتعلق عليه بشكل مشاكس رائع وجميل.
7: من العضو الذي يستفزك بردوده ؟ بصراحة ولا حدا، بس بنت فلسطين الها لمسة خفيفة في التعليقات كما النسيم البارد الذي يلامس الاوراق الندية صباحا. بحس انو ومع تعليقاتها البسيطة، في من ورى هاي التعليقات روايات مختصرة ولم تكتب. مش عارف هل يصدقني شعوري؟؟؟؟
8:من العضو الذي تتمنى أن تتعرف اليه شخصياً؟ الشباب انا بعرفهم ، بس بدي اتعرف على حضرتك.
9:ماهي المواضيع التي تثير اهتمامك؟ التكنولوجيا والسيارات والديكور ما يتعلق بالخلويات وبرامج الكمبوتر
10:بصراحة وصدق من يثير تفاعلك الموضوع ام صاحب الموضوع؟لأ صاحب الموضوع اولا بعدين الموضوع وعلى حسب
11:من العضو المشاغب ؟ المـــــــــاستــــــــــــــــــرن بسمة امل، محمود عليان، علوش، بنت فلسطين، هبة ذيب (ترتيبا تصاعديا)
12:من العضو المثقف؟ الثقافة موضوع كبير لسا مش حاس فيه في المنتدى
13:عضو تتوقع انه لديه ذكاء ولكن لا يضهره؟ الذكاء اللي شفته عندك مس علوش لكن الذكاء الكامن حاسه عند بنت فلسطين
14:ماهي السنة الدراسية المفضلة لديك ولن تنساها ؟ ولماذا؟2002/2003 لأنو كنت بناعور في هاي السنة اتلجت وصارالتالج في ناعور تقريبا 70سم وانحبسنا في السكن لمدة تلات ايام بعدها افراجن وطبخولنا في هاي الايام مجدرة فطور و غدا وعشا. متل هيك مجدرة ممكن تنتسى(الاسى مو ممكن ينتسى)
15: ما هو لونك المفضل؟ الابيض و الذهبي والاسود
16:لديك تلاتة تذاكر سفر من من الأعضاء سوف تأخذ معك ؟ اسامة علوش هبة
17:لو رجع بك الزم إلى الوراء إلى اي مرحة تود العودة؟ الى مرحلة الجامعة
18:لديك مصباح علاء الدين ما هي التلاتة امنيات التي تود بها؟ الدين و الصحة و محبة الناس
19:باقة ورد لمن تهديها ؟ لبسمة امل
20: باقة نار لمن تهديها؟ لأي حدا قاعد حاب يشوي لحمة، وفي النهاية لاعدائي
21:لو اهديت بطاقة سفر إلى اي زمن تسافر الماضي أم المستقبل ؟ ولماذا؟ الى الماضي لانو الحياة بتعقيداتها الدراماتيكية المستقبيلة والله بتخوف و تتعب الانسان نفسيا.
6:هل تعترف بالصداقة بين الرجل والمرأة؟ ابدا بس في اشي اسمو زمالة ممكن وبحدود و وشروط
7:ما هو الشيء الذي يلفت أنتباهك بشخص الذي يعجبك؟ الشخصية المرحة، اهتمامه بالمنظر الشخصي، مدى حب الناس له، الفهم
8:هل أنت متزوج؟ هههههههههههههههههههههههههههههه لسة ما صار نصيب
9:هل تقدس الحياة الزوجية؟ لسه ما جربت، بس على ما اتوقع راحاكون زوج جداجدا ناجح.
10: هل انت من الأشخاص الذين يحبون التملك؟ تملك الماديات: نعم لاني اعتبر هذا دليل على قدرة الانسان على تحقيق اهدفه.
اما تملك قلوب المحبين فأنني احققه بمعاملتي لهم وبافعالي .
11:ما هي امنيتك بالحياة ؟ اتزوج و اشتري بيت و السيارة موجودة خلصت منها
12: اذكر لنا موقف محزن وأخر مفرح حدث معك؟
هادا نفس السؤال اللي اجاني في مقابلة التوظيف للوكالة على مدى مرتين متتاليةن و في كل مرة كنت اقول ا كتر موقف فرحت فيه لما نجحت في التوجيهي وحضنت ابي وصرنا نعيط مع بعض زي اللي في الافلام، واكتر موقف حسيت انو روحي كانت بدها تتطلع فيه من الحزن لما توفى ابي الله يرحمو
شو رايك فيني
بصراحة المنتدى بلاكي ما الو طعم
شو اكتر اشي بجامعتك بتحبه؟
السكن والمطعم ههههههههههههههههه بس
مين اكتر دكتور بتحسه فهمان؟
بسام غانم، و محمود الشاذلي اذا موجود هدول التنين بيفهمو في كل شي وخصوصا محمود
شو نوع موبايلك؟ N70
شو اكتر اغنية بتحبها؟؟
اصعب احساس
شو وسيلة التواصل الي بتفضلها ؟؟
النت او التلفون او الرؤية مباشرة(والله حسب اذا واحد ما بطيقو علىالتلفون احسن، واذا واحد بحبو بحب اضل معاه على طول، واذا واحد بعيد على النت)
هل احسست يوما بالندم؟؟ ابدا لا ولم اندم على شيء صار معاي لاني متأكد انو ما كان بإيدي اعمل احسن من اللي عملتو
قول لنا موقف محرج؟

شو اكتر صفة بدايقك في نفسك؟ الطيبة الزايدة
مين شاعرك المفضل؟ تميم البرغوثي و شعر الشافعي رحمه الله
مين كاتبك المفضل؟جبران خليل جبران، و الكتب المفضلة هي الكتب اللتي تتناول الخليقة وبدء الخلق وكيفية خلق الارض والسماء والنجوم و الكواكب مثل الاسفاراليونانية والعهد القديم والحديث، وايضا كتاب همجية التعاليم الصهونية ليوحنا بولس مسعد.
مين منشدك المفضل؟ ميس شلش و عبد الفتاح عوينات
ايش اكتر اسم بتحبه؟ ما في اسم محدد بس ممكن اوس
لو خيروك بين حبيبك وبين اعز صديق فمن تختار؟ سؤال صعب، صعب صعب صعب بس انا ميال لحبيبتي
من العضو يلي كرهته؟؟؟ ولاحدا كل الاعضاء متل الفراش
مين العضو مفلسف؟؟؟؟ الكل لكن بنسب مختلفة، لكن
مين العضو دمه خفيف؟ بسمة
مين العضو الحشري ؟؟؟؟؟ بديش اقول لحتى ما حدا يزعل شو سؤالك هاد راح يوديني في متاهات
مين العضو يلي اكبر من عمره؟؟؟؟ اكييييييييييييييييييد بسمة
من يسكن قلبك؟ قلبي شقة فارغة ينتظر من يسكنه، واللي راح يسكنو ما راح اخليه يطلع منو الا على ..................
هل تعتقد ان حظك سيئ؟ لا انا بقعد مع حالي مرات واراجع مسيرة حياتي بشوف حالي محضوض جدا لحد الان و الحمد لله
هل هزمك حزنك في يوما من الايام؟ ابدا لم اتمكن من ذالك فهو مقيم نائم يصحو احيانا وينام احيانا
((مستحيل انساك)) لمن تقولها ؟ لأبي العزيز

(( اللي راح راح وماتفيد كلمة ياريت ))
إذا أردتى ان توجه هذه العباره لنفسك, فماذا تقصد بها ؟
يعني انسى الموضوع وطنشه على الآخر وروح على اقرب استراحة و عمر الارجيلة و حط بجنبك كيس ترمس وبزر و العب شدة وللصبح

تحياتي لك مس علوش والله انو نمت إلا شوي وانا بجاوب على اسئلة التوجيهي هاي،،،،،،
مـــــــــــــــــــــــــــــــــاشـــــــــــــــــــــــــــــي !!!!!!!!!!!

من طرف The Master 27/8/2010, 6:23 am

لوضل جهازك معطل احسن
مس علوش طلعتي روحي بهاي الاسئلة

من طرف علوش 27/8/2010, 5:46 pm

ههههههههههههههههههههههه
رح اهريك اسئلة

من طرف علوش 27/8/2010, 6:12 pm

1:ما هي مواصفات حواء المتالية في عينك؟
2:ما هي نسبة التعامل مع حواء بصدق ؟
3:ما هواسم حواء المحب لديك؟
4:ما هي الصفة التي لا يتنازل عنها آدم؟
5:هل لكلام حواء تأثير على قرارك؟
6:هل أنت مثالي ؟
7: هل أنت مغرور؟
8:إلى من تشكي همومك؟
9: هل تعتبر نفسك الشخص الذي تعجب به حواء ؟
10:ما هي رسالتك إلى المجتمع؟
11:هل تفضل الزواج عن حب أم الزواج التقليدي ؟
12:(كلمة،بيت شعر،أغنية،حكمة،نكتة)او اي شيء تريد قوله إلى الأعضاء الذين تريدهم ؟
13:حدثنا عن أحلامك وطموحك؟
14:ماذا تعني لك الكلمات التالية
الحب
الصداقة
الحياة
الحقد
السعادة
15:ماذا تعني لك فلسطين؟
16:على ماذا تشكر الحكومة؟
17:بتحب تلبس ساعة؟
18:كيف بتحب قهوتك؟
19: شو نوع عطرك؟
20: عندك سيارة وإذا اه شو نوعها؟

21:وين كانت احلا رحلة وين رحتها ومع مين ؟

من طرف The Master 27/8/2010, 7:57 pm

1:ما هي مواصفات حواء المتالية في عينك؟ اهم شي في حوا الفهم (تفهمها على الطاير) و حسن تدبير الامور
2:ما هي نسبة التعامل مع حواء بصدق ؟ 0%
3:ما هو اسم حواء المحبب لديك؟ مافي اسم محدد بس اسم رشا دايما ملفت
4:ما هي الصفة التي لا يتنازل عنها آدم؟ اذا فيه (الرجولة) واذا في حوا (الاحترام والصدق)
5:هل لكلام حواء تأثير على قرارك؟ انا ممكن اسمع رايها وبعدين اسوي اللي في راسي، بس ممكن آخد برايها اذا كان 100%.
6:هل أنت مثالي ؟ ابدا
7: هل أنت مغرور؟ ابدا
8:إلى من تشكي همومك؟ لنفسي ولمصطفى كامل
9: هل تعتبر نفسك الشخص الذي تعجب به حواء ؟ كل وردة و في مين يقطفها أو كل فولة والها كيالها
10:ما هي رسالتك إلى المجتمع؟ الحب التسامح التعاون
11:هل تفضل الزواج عن حب أم الزواج التقليدي ؟ الزواج عن حب افضل
12:(كلمة،بيت شعر،أغنية،حكمة،نكتة)او اي شيء تريد قوله إلى الأعضاء الذين تريدهم ؟
نصيحة قبل ان تحب
لاتندم على حب عشته...
حتى ولو صارت ذكرى تؤلمك
فإذا كانت الزهور قد جفت
وضاع عبيرها
ولم يبقى منهاغير الأشواك
فلا تنسى انها منحتك عطراً جميلاً أسعدك
13:حدثنا عن أحلامك وطموحك؟ بيت جميل زوجة محبة جداجداجدا لي ولأولادها ولبيتها اولاد متعلمين محترمين (زي الابناء اللي في باب الحارة، احترام فوق الخيال لآبائهم و لحتى غير آبائهم من الكبار و الجيران) سيارة فخمة مصلحة ممتازة
14:ماذا تعني لك الكلمات التالية
الحب جذور الحياة
الصداقة وردة الحب
الحياة ميدان العمل وتربة الحب
الحقد مرض يقتل الحب
السعادة ثمرة الحب
15:ماذا تعني لك فلسطين؟ الجرح الذي لن يندمل
16:على ماذا تشكر الحكومة؟ ولا على شي، هيدا واجبها
17:بتحب تلبس ساعة؟ لابس ساعة
18:كيف بتحب قهوتك؟ انا ما بحب القهوة اصلا، نسكافية وبس
19: شو نوع عطرك؟ سلطان العطور، مسك ابيض(عطر عربي)
20: عندك سيارة وإذا اه شو نوعها؟ يس Sephia 97
21:وين كانت احلا رحلة وين رحتها ومع مين ؟ (احلى) كانت طلاب السكن رحنا فيها على جرش و عجلون والبحر الميت.

انتهــــــــــــــــــــــى بحمــــــــــــــــــــــد اللـــــــــــــــــــــــــــه
ارحمـــــــــــــــــــــــــــــيــــــــــــــــــــــــــنـــــــــــــــــــــــــــي

من طرف **هبه ذيب** 28/8/2010, 7:03 pm

بدنا نتعبك شوي ..

1. ما أغلى كلمة قيلت لك ؟ وممن ؟
2. مثلك الذي دائما تتعامل به وتطبقه ؟
3. ماذا تعني لك المرأة ( كأم وكأخت وكزوجة ) ؟
4. موقف مر معك كنت فيه بحاجة ماسة إلى شخص ولم تجده ؟
5. إذا طلب منك تحذير الناس من ثلاثة أمور .. ماهي المور التي تتبادر إلى ذهنك ؟
6. السر إذا تجاوز الاثنان شاع .... من وجهة نظرك هل السر حقا اذا تجاوز الاثنين شاع أم أن هنااك استثناءات ووجهة نظر ..؟؟

من طرف The Master 28/8/2010, 7:47 pm

1. ما أغلى كلمة قيلت لك ؟ وممن ؟ "الله يرضى عليك" من امي
2. مثلك الذي دائما تتعامل به وتطبقه ؟ احسن الى الناس
3. ماذا تعني لك المرأة ( كأم وكأخت وكزوجة ) ؟ المرأة يمكن النظر اليها كمرأة بغض النظر عن صفاتها فهي كاتمة اسرار الماضي وحاضنة المستقبل تحمل بين يديها مصير العالمية وفي قلبها فيضا من العطاء الذي لا ينضب، فهي المكمل للرجل، وهي ستره وغطاءه ومستودع اسراره، اما بالنسبة البها كأم فهي الشجرة الظليلة التي استظل بفيئها اذا ما اساءت لي شمس الحياة وهي كزوجة الجدول الصافي الرقراق الذي اهفو اليه اذا ما اصبح ماء العالمين شحيح،وهي سندي اذا ما اشتدت الليالي اما كاخت فهي زهرتي التي لا بد ان اعتني بها ولا اسمح لريح الحياة بان تصل اليها.
4. موقف مر معك كنت فيه بحاجة ماسة إلى شخص ولم تجده ؟ لا اذكر
5. إذا طلب منك تحذير الناس من ثلاثة أمور .. ماهي الامور التي تتبادر إلى ذهنك ؟ الجشع و الكذب و التملق
6. السر إذا تجاوز الاثنان شاع .... من وجهة نظرك هل السر حقا اذا تجاوز الاثنين شاع أم أن هنااك استثناءات ووجهة نظر ..؟؟
الحقيقة انو في كثير من الامثال والحكم لا اجزم في عموميتها، فالسر مثلا ليس شرطا اذا تجاوزاثنين شاع، فقد يقف عند هاذا الحد ويموت، وقد ينتشر ايضا،،،، لا قواعد برمجية في مثل هذه الامور، من طبيعة البشر الاجتماعية حبهم لتفريغ اسرارهم لدى من يثقون فيهم مثل الرجل اللذي يودع اسراره المغلفة بأطنان من الكتمان بين الجدران الرقيقة لقلب زوجته و امه ويضعها برفق ويدعها متواريا بخطوات خفيفة وثقة عارمة بقوة هذه الجدران على تمالك هذا السر، وهنا يمكن اضاافة صديقه الصدوق فقط. وفي مثل هذه الحالات بيقى السر سرا حتى ولو كان بين اكثر من شخص واحد المهم والاساس في الموضوع كله هو الثقة.

ارجو ان اكون قد وفقت في الاجابة على هذه الاسئلة العميقة
تحياتــــــــــــــــــي هبـــــــــــــــــــة ذيـــــــــــــــــــــــــــــب

من طرف **هبه ذيب** 28/8/2010, 7:56 pm

إجابات موفقة ما شاء الله عليك

مع إني أنا اللي سألتك بس بنحييها لبنت فلسطين مو مشكلة هههههه

استنى فيه طحشة أسئلة جاييتك

من طرف The Master 28/8/2010, 8:06 pm

هههههههههههههههههههههههههههههههههههههه
عفوا على الخطا الفني مهو هاد من اسئلتك ما صدقت وانا اخلصهن
انا جاهز في كل وقت وحين متل الدفلع المدني
والله اني حاس نهايتي على كيبوردك
وبعدين أسئلتك من الآخر

من طرف علوش 28/8/2010, 8:13 pm

إزا بدك هبة بمدلة يوم كمان إزا عندك اسئلة وحابة تسئليها

من طرف The Master 28/8/2010, 8:17 pm

ضابط التحقيق العقيد علوش يبقي المتهم قيد الاقامة الجبرية
حتى ظهور ادلة تثبت برائته من تهمة العنصرية ضد المرأة
او حتى دفع كفالة مالية او عدلية مقدارها قرشين ونص
لحين موعد المحاكمة التالية

من طرف The Master 28/8/2010, 8:18 pm

شو مس علوش ضايل اسئلة ولا خلصو
والله حاس حالي في معتقل غوانتينامو
ويمكن هناك ما بيسالو هالئد اسئلة
اسئليني شو افطرت امبارح وشو كان سحورك وين رحت ومع مين حكيت وشو لون عيون جارتك ومين ولدت في الحارة ومين تطلقت ومين حردت و مين جوزها طردها لانها حرقت الطبخة ومين ومين ومين ومين ومين ومــــــــــــــــــــــــــين؟؟؟؟؟
عـــــــــــــــــــــــــــــــــــادي انـــــــــــــــــــــــــــــــــا جــــــــــــــــــــــــاهز

من طرف **هبه ذيب** 28/8/2010, 8:31 pm

1. ما هي هواياتك ؟
2. من اقرب الناس إلى قلبك ؟
3. ما رأيك بالأعضاء :
أسامة عبيدي
محمود عليان
علوش
بنت فلسطين
هبه ذيب

4. ما سبب اختيارك لاسمك بالمنتدى ؟
5. هل أنت راض عن نفسك ؟
6. عبارة نسمعها ( الطيب مالو مكان بهالدنيا ) ما رأيك بها ؟
7. ما هي التجربة التي تتمنى تكرارها ؟
8. دعوة صادقة من اعماق قلبك لمن تهديها ؟
9. هل تعتق أنك ممن يمتلكون الحاسة السادسة ، الحظ ؟
10. ما رأيك بمقولة ( طنش تعش تنتعش ) ؟
11. في بعض الاحيان ينتابنا شعور بالوحده ..ماذا تعني لك الوحده ومتى تشعر بها ؟

خلص بكفيك هدول

من طرف **هبه ذيب** 28/8/2010, 8:33 pm

آه صح جاوب عالأسئلة اللي سألتهم لحالك والله حلوين
عنجد يالله هههههههههههههه

من طرف The Master 28/8/2010, 9:11 pm

1. ما هي هواياتك ؟ جاوبت هاد السؤال مسبقا
2. من اقرب الناس إلى قلبك ؟ صديقي من الزرقا
3. ما رأيك بالأعضاء :
أسامة عبيدي الرفيق اللي كنت دايما ازهقو
محمود عليان جدا عفوي و مرح
علوش مشاكسة و بتحب تخوض مغامرت غير موثوقة النتائج
بنت فلسطين بتحب الرزانة ودقيقة في كلامها المحبوك جيدا
هبه ذيب عميقة في تفكيرها

4. ما سبب اختيارك لاسمك بالمنتدى ؟ اسمي موجود في كل حساباتي على الانترنت من yahoo & Messenger & YouTube & Google وكل المنتديات اللي انا مشارك فيها وتوقعي المعتمد لدى البنك و عاى كتبي و على دفاتري وعلى الاجهزة لدي وكل شيء ، والاسم انا كتييييييييييييييييييييييييييييير معجب فيه وصار لي بتعامل في من سنين.
5. هل أنت راض عن نفسك ؟ انا راضي لكن لي طوحاتي
6. عبارة نسمعها ( الطيب مالو مكان بهالدنيا ) ما رأيك بها؟ ابدا مو صحيح لانو الطيبة و المسامحة من قواعد السعادة السبع، يعني اذا وجد الانسان السعادة عن طريق طيبة قلبو - وهاد انا متاكد منو- شو بدو في الدنيا كلها بيكفيه اللي حواليه بيحبوه وبيحبهم وهدول بس اللي بيكونوا عالمه ودنياه، ليش يعني قاسي القلب هو اللي الو مكان بهاي الدنيا، على راي المتل (بالكلمة الحلوة بطلع الحية من وكرها)
مع ذلك احيانا الطيبة ما اللها مكان وقتاه وبس وقتها يستلزم ذلك اظهار شيئا من الشيطنة، بس الاساس دايما و ابدا الطيب.
7. ما هي التجربة التي تتمنى تكرارها ؟ فترة الجامعة
8. دعوة صادقة من اعماق قلبك لمن تهديها ؟
9. هل تعتقد أنك ممن يمتلكون الحاسة السادسة ، الحدس؟ كثيرا ما بصدق حدسي واحيانا لا
10. ما رأيك بمقولة ( طنش تعش تنتعش ) ؟ ممتازة، بعيدا عن التزاماتك
11. في بعض الاحيان ينتابنا شعور بالوحده ..ماذا تعني لك الوحده ومتى تشعر بها ؟
بحس بالوحدة لما اكون لحالي !!!!!!!!!!!!!!!
الوحدة عبارة عن بئر جاف عميق ومعتم قد تقع فيه اذا زلت بك الايام، فلا ترى حولك الا نفسك، وفجأة يتدلى حبل من فوقك ليخرجك من هذا الظلام، لم يأتي ليشرب بل ليخرجك و ينقذك ويقف الى جانبك (صديقك، زوجتك، اهلك)

الحمــــــــــــــــــــــــــــــــــــــــــــــــــــــــد للــــــــــــــــــــــــــــــــــــــــــه

من طرف **هبه ذيب** 30/8/2010, 2:57 am

مشكوووور على الإجابات الرائعة

تحياتي

من طرف The Master 30/8/2010, 5:04 am

لأ ولو انا اللي شكرا
لانو اسئلتك
خلتني افكر لأول مرة في بعض الامور
اسئلة من الآخر

تحياتي

من طرف علوش 2/9/2010, 4:01 am

والأن يسرني ان استظيف العضو التالت في موضوع تحت المجهر وهي الفتاه ذات الكلمات الرقليقة
ابنت فلسطين

من طرف علوش 2/9/2010, 4:03 am

1: عرفي عن نفسك؟
2:كيف رمضان معك ؟
3: ما هو أكتر شيء تكرهينه في حياتك؟
4: ما هو أصعب موقف حدث معكي ؟
5:ما هو تقيمك لهذا المنتدى بصراحة؟
6: ما هو البلد الذي تتمنين أن تزوريه؟
7:هل انتي من مؤيدي أم من معارضي عمل المرأة ؟
8: أيهما أهم بنضرك الزواج ام الدراسة الجامعية؟
9:هل الشكل يؤثر في الشخصية؟
10: عبري لنا بكلمة عن كل من الأعضاء
أ: أسامة عبيدي
ب: هبة ذيب
ج:بنت فلسطين
د:ماستر
ه:محمود عليان
و: أحمد الهندي
ي:ننوش
ف:علوش
.

من طرف **بنت فلسطين** 2/9/2010, 4:57 am

شكرا علوش عالتقديم اللطيف
ان شاالله اكون ضيفة خفيفة

بسم الله

1: عرفي عن نفسك؟رؤى /بنت عادية
2:كيف رمضان معك ؟الحمدالله كتير حلو وخفيف خصوصا لأننا معطلين
3: ما هو أكتر شيء تكرهينه في حياتك؟الغدر
4: ما هو أصعب موقف حدث معكي ؟مممم في والله كتير بس حاليا مش متذكرة بس اصعب شي بمر علي لما اكون عاجزة امام مشكله
5:ما هو تقيمك لهذا المنتدى بصراحة؟منتدى لسه في طور تأسيسه لازمه عدد اكبر من الاعضاء وتفاعل اكبر ومشكورة الادارة عالجهود اكيد
6: ما هو البلد الذي تتمنين أن تزوريه؟اكيد بلدي فلسطين والاقصى
7:هل انتي من مؤيدي أم من معارضي عمل المرأة ؟اكيد من المؤيدين عمل المرأة بضمنلها جزء من الاستقلا والاعتماد على الذات
8: أيهما أهم بنضرك الزواج ام الدراسة الجامعية؟الدراسة الجامعية طبعا
9:هل الشكل يؤثر في الشخصية؟احيانا بس بالنسبة الي الشخصية اهم
10: عبري لنا بكلمة عن كل من الأعضاء
أ: أسامة عبيدي: شخص محترم
ب: هبة ذيب:بنت امورة كتير ومزوقة
ج:بنت فلسطين:انا
د:ماستر:بصراحة ما بعرفه كتير بس من الظاهر انه شخص مثقف ودمه خفيف
ه:محمود عليان:برضه مش كتير بعرفه بس برضه صاحب شخصية خفيفة الظل
و: أحمد الهندي:انسان وطني وصاحب انتماء كبير
ي:ننوش:مس المنتدى هههه كتير امورة
ف:علوش:عسل المنتدى انسانة صاحبة روح حلوة

تم بحمد الله
.

من طرف علوش 2/9/2010, 9:01 pm

بنت فلسطين
انبسطتي على صوري وأنا صغيرة وخاصة الي بعتتهم ريماس على منتدى بسمة.
شو رأيك شو اعمل برماس لما ترجع على الأردن؟

من طرف **هبه ذيب** 2/9/2010, 10:17 pm

يا مية هلا بالغالية .. خدي هالكمشة كلها عن الزواج
بدي أزوجك وأفرح فيكي قبل ما أموت هههههه

1. هل ضروري أن يكون زوجك وسيم ؟

2 .هل الحب ضروري قبل الزواج ؟

3. ما درجة التعليم التي ترضين بها لزوجك ؟

4. ماذا يكون ردة فعلك إذا تزوج عليك زوجك ( لا سمح الله )؟

5. في أي سن تفضلي أن تتزوجي ؟

6. هل ممكن أن تتزوجي من رجل ليس من بلدك ؟

7. ماذا يكون ردة فعلك إذا كان زوجك شكاك جداً ؟

8. هل توافقين الزواج التقليدي ؟

بدك الصراحة هدول لطشتهم ومو عاجبيني كتير
بس حابة أشوف شو بدك تجاوبي هههههه

يلا جاوبي تستحيش هههههه

من طرف **بنت فلسطين** 2/9/2010, 10:17 pm

هههههههههه
حلوة والله من الاخر لا جد والله امورة
شو تعملي فيها مممم رحبي فيها هههههه وبعدين طعميها قتلة بس مش حامية حراام

من طرف **بنت فلسطين** 2/9/2010, 10:26 pm

هلا بهبوش والله شو هدول الاسئلة تحت المجهر - صفحة 2 Icon_eek

يلا الله بعين رح اجاوب

1.هل ضروري أن يكون زوجك وسيم ؟لأ بس ضروري يكون بنظري حلو

2 .هل الحب ضروري قبل الزواج ؟حلو الحب قبل الزواج بس مش ضروري الضروري الألفة قبل الزواج

3. ما درجة التعليم التي ترضين بها لزوجك ؟ما فكرت بهالشي وعمره ما كان مقياس عندي

4. ماذا يكون ردة فعلك إذا تزوج عليك زوجك ( لا سمح الله )؟ههههه شو هالسؤال هاد اكيد رح اطلب الطلاق

5. في أي سن تفضلي أن تتزوجي ؟بدك الصراحة انا مش حابة قصة الزيجة بالمرة والجواب عمري ما فكرت فيه برضه

6. هل ممكن أن تتزوجي من رجل ليس من بلدك ؟ممكن بس فيبعض الجنسيات عندي تحفظ عليها مش قصة عنصرية لأ
والأفضل ابن بلدي

7. ماذا يكون ردة فعلك إذا كان زوجك شكاك جداً ؟رح احاول اعرف سبب شكوكه واهديه وابعد عنه هالشكوك واكيد ما رح يكون في شك بدون شي

8. هل توافقين الزواج التقليدي ؟عادي بس في شغلات في هالعادة بتنكرزني بتحسي الام جاي تختار بكسة بندورة هههههه هيك بعض الامهات

تاني مرة لا تلطشي اسئلة زي هيييييك تحت المجهر - صفحة 2 Icon_redface

من طرف **هبه ذيب** 2/9/2010, 10:30 pm

هههههههههههههههههه على راسي يا عروس ههههههه

أكيد بمزح بس قربنا المجهر شوي ههههه